Viaxar xunt@s (e o mundo descubrir)

 

Os monumentos de Londres en Stop Motion

 

Hoxe presentámosvos este vídeo que fixemos en Proxecto Competencial, utilizando a técnica "stop motion".

Esperamos que vos guste!

Inauguramos o blog coas Postais Sonoras Viaxeiras!

Ola a toda a nosa comunidade de viaxeiros/as!

Desde hoxe, a Tripulación Exploradora de 2º de Primaria do colexio Sárdoma-Moledo pon rumbo á aventura!

Este blog, a nosa "Expedición Sárdoma", será o noso Caderno de Bitácora dixital. Aquí iremos documentando a nosa incrible volta ao mundo.

Un espazo onde compartir os nosos descubrimentos, mostrar as nosas aprendizaxes e aprender con vós!

---

A PRIMEIRA MISIÓN CUMPRIDA!

Para abrir a nosa viaxe, a tripulación xa se puxo en contacto desde diferentes puntos do planeta. Compartimos con vós o noso primeiro traballo: o vídeo das Postais Sonoras Viaxeiras.

Escoitade as voces do mundo e descubrir que países xa temos no noso mapa!

Cal será a nosa próxima parada?